वर्धा येथील अखिल भारतीय मराठी साहित्य संमेलनात ज्येष्ठ समाजसेवक, गडचिरोली जिल्ह्यात व्यसनमुक्ती चळवळ राबवणारे पद्मश्री डॉ. अभय बंग यांची प्रकट मुलाखत घेण्यात आली. मूळचे वर्ध्याचे रहिवासी असलेले डॉ. बंग यांची साहित्य संमेलनात ‘साधना’चे संपादक विनोद शिरसाठ, ‘मुक्तांगण’ व्यसनमुक्ती केंद्राच्या प्रमुख डॉ. मुक्ता पुणतांबेकर व महाराष्ट्र ज्ञान महामंडळाचे मुख्य सल्लागार विवेक सावंत यांनी मुलाखत घेतली. डॉ. बंग यांनी यावेळी विविध प्रश्नांना दिलखुलास उत्तरं दिली. या मुलाखतीदरम्यान डॉ. बंग यांनी सरकारी दारूबंदीचा फोलपणा उघड करताना महाराष्ट्रात दारूबंदीऐवजी दारूमुक्तीची कशी आवश्यकता आहे, हे विषद केलं.
