ठाणे जिल्ह्यात गेल्या काही दिवसांपासून गुन्हेगारी घटनांमध्ये वाढ झाल्याचे पाहायला मिळत आहे. भिवंडीत एका दीड वर्षीय चिमुकल्याचे घरातून अपहरण केले व एक लाख रुपयात विक्री केल्याचा प्रकार उघडकीस आला आहे. याप्रकरणात भिवंडी शहर पोलिसांनी मुलाची सुखरूप सुटका करून तिघांना अटक केली आहे. गणेश मेमुल्ला (३८), भारती शाहू (४१) आणि आशा शाहू (४२) अशी अटक करण्यात आलेल्या आरोपींची नावे आहे.
