कुटुंबातील मृत व्यक्तींच्या नावाचा तपशील अद्याप समोर आलेला नाही. परंतु शेयर मार्केटमध्ये कुटुंबाचं मोठं आर्थिक नुकसान झाल्यामुळंच चार जणांनी आत्महत्या केल्याचा अंदाज वर्तवण्यात येत आहे. कुटुंबातील लोकांनी नेमकी कधी आत्महत्या केली हे अद्याप स्पष्ट झालेलं नसून शेजारी राहणाऱ्या नागरिकांच्या लक्षात ही बाब आल्यानंतर त्यांनी याची माहिती तातडीनं पोलिसांना दिली, त्यानंतर आता पोलिसांनी घटनास्थळी दाखल होऊन प्रकरणाची चौकशी सुरू केली आहे. चारही व्यक्तींचे मृतदेह शवविच्छेदनासाठी रुग्णालयात पाठवले जाणार आहे. त्यापूर्वी पोलिसांनी ही आत्महत्या आहे की घातपात आहे, याची चौकशी करायला सुरुवात केली आहे.
