मिळालेल्या माहितीनुसार, मयत बालाजी रासवते हे त्यांची गर्भवती मुलगी राजश्रीला दुचाकीवर घेऊन उदगीरहून सोमासवाडीच्या दिशेनं निघाले होते. परंतु ते राष्ट्रीय महामार्ग क्रमांक ५० वर आले असता अचानक दुचाकी रस्त्याच्या बाजूला कलंडली. त्यामुळं रस्त्यालगत असलेल्या खोल खड्ड्यात दुचाकी पडल्यानं बालाजी यांच्यासह त्यांच्या गर्भवती मुलीचाही मृत्यू झाला आहे. राजश्रीचा गेल्या वर्षाीच विवाह झाला होता. राजश्री सात महिन्यांची गर्भवती असल्यानं वडील बालाजी तिला बाळंतपणासाठी माहेरी आणत होते. त्यावेळी दुर्दैवानं हा अपघात झाल्यानंतर दोघांचाही मृत्यू झाला आहे.
