राज्यपाल रमेश बैस यांच्या अभिभाषणानंतर विधानसभेत अर्थसंकल्पीय अधिवेशनाला सुरुवात झाली. त्यावेळी राज्याचे उपमुख्यमंत्री देवेंद्र फडणवीस यांनी ठाकरे गटावर पॉईंट ऑफ प्रोसिजर मांडू दिला जात नसल्याचा आरोप केला. त्यावेळी ठाकरे गटाकडून भास्कर जाधव यांच्यासह अन्य आमदारांना फडणवीसांच्या आरोपांना प्रत्युत्तर दिलं. त्यानंतर सभागृहात बोलताना उपमुख्यमंत्री देवेंद्र फडणवीस म्हणाले की, भास्कर जाधव हे विधानसभेच्या अध्यक्षांना कसं का धमकावू शकतात?, विधानसभेच्या अध्यक्षांना धमकावण्याची नवी पद्धत सुरू झाली आहे का?, सभागृहात बोलण्याचा अधिकार सर्वांना आहे, परंतु अध्यक्षांनाच धमकावलं जात असेल तर हे आम्ही खपवून घेणार नाही, असं म्हणत उपमुख्यमंत्री देवेंद्र फडणवीसांनी भास्कर जाधव यांना चांगलंच सुनावलं. त्यानंतर सभागृहाचं पुढील कामकाज सुरळीत सुरू झालं.
