कसबा विधानसभा पोटनिवडणुकीच्या प्रचारात शरद पवार उतरणार असल्याची चर्चा होती. त्यावरही त्यांनी प्रतिक्रिया दिली. ‘कसबा पेठेतील महाविकास आघाडीचे उमेदवार रवींद्र धंगेकर मला भेटून गेले. मी मतदारसंघात एखादी चक्कर टाकावी, असं त्यांचं म्हणणं होतं. पाहू, असं पवार म्हणाले. चिंचवडमध्ये आपला मेळावा होणार आहे का यावर त्यांनी नकारार्थी उत्तर दिलं. ‘एका ठिकाणी मेळावा घेतला तर दोन्ही मतदारसंघात जावं लागेल,’ असं ते म्हणाले.
