जेश बेचनप्रसाद गुप्ता (वय- २६, रा.उल्हासनगर) आणि प्रतिक विनोद मोरे (वय-२१, रा. ठाणे, लोकमान्य नगर) असे या अपघातात मृत्यू झालेल्या तरूणांची नावे आहेत. दरम्यान, दोघेही आज पहाटे ३.३० च्या सुमारास दुचाकीने माजिवडा येथून ठाणे स्थानकाकडे जात होते. परंतु, कॅसल मिल नाका येथील उड्डाणपुलावरून जात असताना त्याच्या दुचाकीला अपघात झाला, अशी माहिती ठाणे महापालिकेच्या प्रादेशिक आपत्ती व्यवस्थापन कक्षाचे प्रमुख अविनाश सावंत यांनी दिली.
